Денеска ќе има врнежи претежно од снег, а во некои пониски места повремено ќе бидат од дожд и снег. Пообилни врнежи се очекуваат во западните и јужните делови на земјава. Ќе дува засилен повремено и силен југоисточен ветер, кој на моменти ќе достигнува брзина до 90км/ч, соопшти Управата за хидрометеоролошки работи.

До недела ќе се задржи променливо облачно време со сончеви периоди и со повремени врнежи од дожд и снег во пониските, а само снег на повисоките места и планините.

Најавените нови врнежи и пред се силниот ветер кој се очекува да дува во текот на денешниот ден неповолно ќе се одрази на состојбата во загрозените подрачја на охридско-струшкото крајбрежје. Најкритично е во Пештани, Калишта и Радожда каде се изградени насипи за заштита од поплави. Околу 10 000 вреќи со песок се поставени и во централното градско подрачје на Охрид, покрај реката Дрим во центарот на Струга, а се најавува изградба на нови насипи на места  каде за тоа ќе има потреба.