Според неофицијалните податоци до кои дојде Ohridnews, а врз основ на записник направен од страна на Државниот ветеринарен инспекторат, охридските пчелари претрпеле над 50% штета од неодамнешното прскање кое го спроведе ЈП Комуналец против лисни вошки. Уништени се над 100 пчелни семејства и тоа најголем број на потегот од Бараките до Горица.

Стручните лица објаснуваат дека средството кое било користено е едно од најјаките инсектициди со голема токсичност, на чија амбалажа е нагласено дека е штетно дури и за луѓето.

“Поради тоа зачудува и фактот што прскањето се вршеше во  часови кога во централното градско подрачје има голема фреквенција на луѓе” , велат тие и додаваат- Затоа ова средство од одамна е исфрлено од употреба и од страна на самите земјоделци.

Примероци од угинатите пчели веќе се испратени на Ветеринарниот факултет и земјоделскиот факултет од Скопје на анализа. Резултатите се очекуваат во текот на идната недела.