Page not found - OhridNews

Продолжува жетвата на медали за охридските стрелци: Ива Маленко, Стефани Савеска и Климент Мостро нови државни прваци!

Викендов на стрелиштето во битолската касарна се одржа Државното првенство во гаѓање со воздушно оружје-меѓународна програма, на кое учество земаа околу 80-тина стрелци во јуниорска и сениорска категорија во дисциплините пушка и пиштол.

Со нов личен рекорд од 602,0 кругови, Ива Маленко од СК „Охрид“ е новиот државен првак во сениорска категорија во дисциплината воздушна пушка.

Во истата дисциплина во јуниорска категорија Драгана Локоска и Теодора Спироска се пласираа на 10-тата, односно 11-тата позиција, додека Стефанија Стефанoска се пласира на 15-тата позиција. Во екипен пласман пак, тие се пласираа на 3-тата позиција со резултат од 1596.8 круга

Кај јуниорите со нов личен рекорд од 603,7 кругови на вицешампионската позиција се пласира Кристијан Балоски од СК „Охрид“, додека Бора Каќел од ЖСК „Лихнидос“ се пласира на 10-тата позиција со резултат од 568.9 кругови.

Кај јуниорите на пиштол нов државен првак е Климент Мостро од ЖСК „Лихнидос“ со резултат од 539 кругови. На третата позиција во истата дисциплина се пласира Иван Милевски од СК „Охрид“ со резултат од 529 кругови. Ѕвездан Јанески и Никола Тодороски се пласираа на 6-тата односно 7-мата позиција.

Кај сениорите на пиштол, Ванчо Каранфилов од ЖСК „Лихнидос“ се пласира на вицешампионската позиција со резултат од 537 кругови, пред неговиот клупски другар Даниел Михајловиќ кој заостана зад него за два круга. Значителен пад во спортската форма имаше Велибор Балоски, кој со резултат од 503 круга падна на 11-тата позиција.

Новиот државен првак во категорија јуниорки пиштол е Стефани Савеска со 540 круга. Нејзината клупска другарка, Наталија Савеска е 4-то пласирана со резултат од 529 кругови, додека пак Стефанија Велјаноска од СК „Охрид“ се пласира на 5-тата позиција со резултат од 513 круга. Верица Божиноска и Елена Јанеска се пласираа на 7-мата односно 9-тата позиција.

Веќе од следната недела започнуваат подготовките за 6-то априлскиот меѓународен натпревар во Сараево, но и подготовки за наредниот Куп на МССФ што треба да се одржи кон средината на следниот месец на стрелиштето Бејбунар во Охрид. Истовремено, ќе се одвиваат и подготовките на репрезентативците со двајца еминентни тренери на пушка и пиштол од Р. Србија.

OhridNews

Бројни учесници и врвни борби на одржаното Државно првенство во таеквондо

Бројни учесници и врвни борби на одржаното Државно првенство во таеквондо изминатиов викенд во спортската сала „Билјанини извори“  во организација на Таеквон-до клуб “МАСТЕР” од Охрид.

Учество земаа 78 натпреварувачи кои се натпреваруваа во две дисциплини, во форми и борби од Таеквон-до клубот „Мастер“ Охрид, Таеквон-до клубот „Ахилиус“ Скопје, Таеквон-до клубот „ХВА РАНГ ИТФ“ Лескоец, Охрид, Таеквон-до ИТФ клубот „Сонкал“ Мислешево, Струга и Таеквон-до ИТФ клубот „Чонџи“, Косел, Охрид.

Натпреварувачите покрај што ги бранеа боите на своите клубовите, некои од нив се бореа за место во репрезентација за учество на наредното Европско првенство кое ќе се одржи во Копер, Словенија, од 15-22 април. На наше задоволство и задоволство на сите присутни во салата натпреварувачите направија врвни борби, докажувајќи дека се во одлична форма и дека се многу од нив на добар пат за брзо време да се изборат за место во репрезентација, вели претседателот на М.Т.Т.Ф Марјанчо Лазаревски.

Најдобри поединци во нивните старосни категории кои покрај со медали се закитија и со пехари се:

  • најдобро девојче 8-10 години, Меланија Јанеска
  • најдобро дете 8-10 години, Хриситјан Гагалески
  • најдобра кадетка 11-13 години, Миа Танеска
  • најдобар кадет 11-13 години, Даријан Китаноски
  • најдобра јуниорка 14-15години, Анастасија Чулческа
  • најдобар јуниор 14-15 години, Климент Богоески
  • најдобра младинка 16-21 година, Елена Јанеска
  • најдобар младинец 16-21 година, Владимир Димитриевиќ.

Исто така, Лазаревски јавно се заблагодарува на Агенцијата за млади и спорт за признавањето на нивниот спорт и нивната поддршка, на Општина Охрид кои беа покровители за организирањето на државното првенство во Таеквон-до ИТФ, и на генералниот спонзор “ПН МЕТАЛ“, кој е најзаслужен за сите нивни успеси.

Најдобар клуб на одржаното Државно првенство во таеквон-до ИТФ е Таеквон-до клубот “ХВА РАНГ ИТФ”, Лескоец, Охрид, со освоени 15 златни, 14 сребрени и 19 бронзени медали и 6 пехари за најдобри поединци.

На второто место се најде домашниот клуб, организаторот Таеквон-до клубот “Мастер“, Охрид, со освоени 7 златни, 6 сребрен и 5 бронзени медали и еден пехар за најдобар поединец.

На третото место се најде Таеквон-до ИТФ клубот “Сонкал“, Мислешево, Струга со освоени 6 златни, 6 сребрени и 3 бронзен медал и еден пехар за најдобар поединец.

На четвртото место се најде Таеквон-до ИТФ клубот “Чонџи“, Косел, Охрид, со освоени 2 златни, 3 сребрени и 8 бронзени медали.

На петтото место место се најде Таеквон-до клубот Ахилиус”, Скопје, со освоени 2 златни, 1 сребрен и 5 бронзени медали.

М.Т.Т.Ф од 15-22 април 2024 го најавува нивното учество на наредното Европско првенство кое ќе се одржи во Копер, Словенија.

OhridNews

30-дневен притвор за еден од подметнувачите на пожарот во угостителскиот објект во Градскиот пазар

СВР Охрид поднесе кривична пријава против 20 годишно лице од Скопје поради постоење основи на сомнение за сторено кривично дело „предизвикување општа опасност“.

На 10.03.2024 во 03.40 часот, тој со уште едно лице со запалива течност предизвикал пожар во угостителски објект на булеварот „Туристичка“ во Охрид. Судија на претходна постапка на лицето му одреди мерка притвор во траење од 30 дена, по што е префрлен во Казнено – поправната установа Затвор Охрид за издржување на мерката, информираат од СВР Охрид.

OhridNews

 

 

Електродистрибуција објави интерактивна мапа за капацитетот на трафостаниците за приклучување на фотоволтаични системи

Електродистрибуција, за сите заинтересирани дистрибутивни производители, на својата веб страна www.elektrodistribucija.mk стави на располагање интерактивна мапа на која e прикажан моменталниот капацитет на високонапонските трафостаници за приклучување на фотоволтаични системи.

Отсега, сите заинтересирани имаат можност во било кое време да ја проверат состојбата на капацитетите со кои располага електродистрибутивниот систем, како и состојбата во поглед на исполнетост на капацитети земајќи ги предвид и сите потенцијални производители со отпочнати постапки за приклучување во дистрибутивната мрежа, информираат од ЕВН.

Мапата, додаваат, содржи и останати детални информации во врска со локациите на трафостаниците, податоци за сумарната моќност на инсталираните трансформатори во рамки на трансформаторската станица, процент на исполнетост на трафостаницата во моментот на ажурирање на податоците за дистрибутивни производители кои се веќе вклучени во дистрибутивниот систем и процент на исполнетост на трафостаница за дистрибутивни производители кои веќе имаат отпочнато постапка за: урбанизација, барање за градежна дозвола или имаат поднесено барање за приклучок кон електродистрибутивниот систем.

OhridNews

Почна одбројувањето до разврската во групата 4 од Купот на Македонија

Почна одбројувањето до разврската во групата 4 од Купот на Македонија, што ќе се случи претстојниот викенд во Охрид.

„Гладијаторите“ со респект кон противниците, но и со доза на оптимизам ги очекуваат натпреварите од купот и со поддршка од полните трибини се надеваат на успех.

Се надевам дека без поголеми потешкотии ќе извојуваме победа над Скопје во полуфиналето од групата 4 од купот, чиј организатори сме, и ќе ги зачуваме силите за финалето. Без да им ги одземеме шансите на МРК Куманово, фаворитската улога во второто полуфинале ја има екипата на РК Е. Пелистер. Според тоа во финалето ќе не очекува интересен и незивесен натпревар со шампионот пред полни трибини, вели крилото на Охрид, Крсте Андоновски.

 

Натпреварите се играат во сабота во салата „Билјанини извори“. Мечот помеѓу Скопје и Охрид е со почеток во 10:30 часот, помеѓу Е. Пелистер и Куманово од 12:30 часот, додека финалето ќе се одигра во 19:30 часот.

Блок картите за сите натпревари по цена од 200 денари ќе се продаваат од утре, 20 март, во чаршија кај Аждер и на билетарата во салата „Билјанини извори“. Карти за поединечни натпревари нема да се продаваат, а за групната фаза од Купот не важат сезонските карти!

OhridNews

Билтен: Опожарено возило, кривична за коментари на Фејсбук, приведено лице

На 19.03.2024 во 05.40 часот, на ул.„Кленоец“ во Охрид настанал пожар на паркирано хаварисано патничко возило „пежо“ со охридски регистарски ознаки, сопственост на 71 годишно лице од Охрид.

Од екипа на Територијалната противпожарна единица Охрид пожарот бил изгаснат, а повредени лица нема, информираат од СВР Охрид.

На 18.03.2024 во 14.25 часот на улица „Марко Цепенков“ во Охрид, полициски службеници од СВР Охрид приведоа 46 годишно лице од Охрид кој, однесувал агресивно кон полициски службеници кои извршувале службени дејствија.

При приведувањето бил извршен преглед кај него, при што била пронајдена и одземена марихуана. Во врска со настанот, лицето пријавило дека, при преземањето мерки кон него, полициските службеници употребиле прекумерна сила, при што се здобил со тешки телесни повреди. За настанот бил известен јавен обвинител и Одделот за внатрешна контрола, криминалистички истраги и  професионални стандарди при МВР. По целосно документирање на случајот, ќе биде поднесена соодветна пријава, велат од СВР Охрид.

Поднесена е и кривична пријава против 47 годишно лице од Охрид поради постоење основи на сомнение за сторено кривично дело  „ширење расистички и ксенофобичен материјал по пат на компјутерски систем“.

Тој, од личен профил на социјалната мрежа Фејсбук во повеќе наврати објавувал коментари со заканувачка и навредлива содржина, додаваат од СВР Охрид.

OhridNews

По повод Светскиот ден на театарот на репертоарот на 27 март претставата „Несфатената цивилизација“

По повод Светскиот ден на театарот на репертоарот на 27 март претставата „Несфатената цивилизација“ од Добри Војников, со почеток во 20.00 часот.

„Несфатената цивилизација“ е претстава за припадноста, честа, етиката и моралот. Претстава за културолошкиот и социолошки идентитет на човекот. Претстава за глобализацијата и традицијата, како и за ефектите од нив врз целокупното општествено живеење. „Несфатената цивилизација“ е комедија, што преминува во гротеска и иронија, и што прави детална и болна дисекција на нашата целокупна колективна свест.

Во претставата играат Горан Стојаноски, Стрезо Стаматовски, Павел Маслов, Филип Кипровски, Никола Тодороски и Ивица Цонев.

Карти по цена од 200 денари може да се набават на билетарата при НУЦК “Григор Прличев” – Охрид.

OhridNews

СДСМ во сабота на конгрес ќе одлучува за носителите на листи и за кандидатите за пратеници

СДСМ во сабота (23 март) на Конгрес ќе одлучува за кандидатите за пратеници и носителите на листи.

Потпретседателот на СДСМ, Стефан Богоев синоќа во гостување на ТВ 24 изјави дека при одлучувањето ќе се води сметка за рејтингот, кредибилитетот и реномето на личностите, а секако ќе се внимава и на родовата и регионалната застапеност.

Ние имаме јасна визија за иднината на државата и отворено ја кажуваме. Ние донесовме тешки одлуки, но тие одлуки беа за повисока цел. Благодарение на тоа нашата држава сега е рамноправна членка на НАТО, а ние не се плашиме да кажеме дека нашата идеја е членство во Европската Унија. За разлика од Мицкоски кој вели дека ни за 100 години нема да влеземе во ЕУ, ние сакаме Македонија да стане дел од тоа друштво кое носи повисоки плати и пензии, подобро здравство, поквалитетно образование, рече Богоев.

OhridNews

Двочасовен прекин во водоснабдувањето на „Македонски Просветители“

Двочасовен прекин има во водоснабдувањето кај корисниците на улицата „Македонски Просветители“ информираат од ЈП Водовод Охрид.

Поради интервенција на водоводната мрежа денес од 10:40 часот ќе има двочасовен прекин во водоснабдувањето на улицата „Македонски Просветители“ на потегот од ЕВН до пожарна, велат од претпријатието.

OhridNews