ОГЛАСИ

Повикот за војна-заблуда, експлозив му требал за нива. Актерот Владо Јовановски ги правда своите статуси, фелата го осудува

Вести | Македонија | 16.02.2017 22:32Посети : 3566

Не стивнуваат реакциите во јавноста по објавениот статус на актерот Владо Јовановски на својот фејсбук профил во кој повикува на војна. Телевизија Телма објави став на актерот кој се правда  дека повикот за војна бил пол погрешно сфатен и е заблуда, а експлозивот за кој се интересираше каде може да го набави му требал за нива. Колегите актери го осудија ваквиот јавен настап на Јовановски.



„ЌЕ ИМА ВОЈНА.НОВА ВОЈНА ЌЕ ИМА. ЦРПКООО НИКОЈ НЕ САКА ВО ТВОЈАТА КОЖА ДА БИДЕ“ –со овие зборови актерот Владо Јовановски го завршува својот пост на Фејсбук во кој го обвинува Заев дека е Фауст од Муртино кој своерачно потпишал со крвта на загинатите бранители. 


-Како свесно битие по изјава на конгресмен за поделба на Македонија што е помогнато и од наши граѓани се јавува стравување кај мене и кај Македонците дека мора да се одговори ако некој сака да ја дели државата. А поделбата не може да дојде без војна“- објаснува за Телма Јовановски кој вели дека Заев не треба да се плаши оти тој лидерот на СДСМ не е херој во оваа фарса за Македонија. 


Веднаш по првиот пост, актерот Јовановски преку Фејсбук се распрашуваше: „КОЛКУ ЧИНИ ПЛАСТИЧЕН ЕКСПЛОЗИВ НА ЦРНИОТ ПАЗАР“.Пластичниот експлозив го оправдува со градежни активности на својата нива. Беше сериозен како да верува во следнава негова приказна. 


-Имам карпа на моја нива оставена од дедо ми, сакам со експлозив да ја урнам и нивата да ја прогласам за своја држава како што е Сан Марино среде Италија. Потоа за влез во мојата држава од секој политичар како другарот Заев ќе барам тапија, документ од психијатар дека е здрав“- ја релативизира својата објава за набавка на експлозив. 

Актерот Сашо Тасевски по фејсбук му одговори дека експлозивот чини многу помалку од лекувањето на Тамара, од смртта на Нешковски, дека е поефтин и од сите млади кои си заминале.

Колегите и најголемиот дел од јавноста го оценија мислењето на Јовановски како повик за војна.

-Ние актерите сме еуфорични кога настапуваме во јавноста, тоа можеби е првата причина за ова на Владо. Втората можност е тој да е изманипулиран, злоупотребен од тој центар за комуникација што јас го нарекувам центар за манипулации лаги. Би сакал да не е ова второто причина за неговиот став, изјави Марин Бабиќ за Телма.

Досега во Македонија никогаш јавна личност не одговарала за свои ставови со говор на омраза и повици за насилство, во Америка например Мел Гипсон беше исфрлен од Холивуд со години за своите антисемитски изјави кажани во семејна расправија, пренесува Телма.


OhridNews
извор: „Телма“

© 2017 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Вести

ВАШЕТО ВНИМАНИЕ

АНКЕТА

Дали во екот на сезоната во Охрид треба да се одржуваат настани на отворено кои траат до доцна во ноќта?

Да

Не

Треба да постојат исклучоци, според строги правила

Гласај

Да - 1269 гласови (37%)

Не - 849 гласови (25%)

Треба да постојат исклучоци, според строги правила - 1283 гласови (38%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833