ОГЛАСИ

70 години фолклор во Вевчани

Култура | Македонија | 07.05.2017 07:00Посети : 1358

Културно уметничкото друштво „Дримкол“ од Вевчани, денеска, 7-ми мај, со концерт во Домот на културата во Вевчани ќе одбележи 70 години организиран фолклор во Вевчани. Поради големиот интерес  ќе бидат одржани два концерти со почеток во 18.00 часот и во 20.30 часот.



Вевчани е стара населба, а фолклорната традиција е стара колку и населбата. Вевчанскиот карневал е пример за тоа, но, фолклорот како уметност на организиран начин за прв пат е претставен на сцена во 1947 година.


-Среќен сум што ние како генерација на КУД „Дримкол“ одлучивме да го прославиме  формирањето на првата играорна група во Вевчани во 1947 година која успешно се претставила на свеченостите по повод 11-ти Октомври во Скопје. Од тогашната играорна група формирана од младите Вевчанци членови на сојузот на кумунистичката младина на Југославија, преку училишните и младинските групи се пренесува љубовта кон фолклорот, се негува традицијата и  се формира  денешното КУД ,,Дримко“, кое денес  брои 150 активни членови распоредени во неколку организациони уметнички целини: фолклор, театар, пејачка група, оркестар. Ова за нас е многу значаен јубилеј, бидејќи истиот ги опфаќа сите генерации на играорни групи кои работеле во Вевчани од 1947 година до денес, еве цели 70 години. – вели претседателот на друштвото Тошо Чочороски.


На програмата на свечениот концерт ќе бидат прикажани орски и вокални изведби од западна Македонија, Повардарието, од Пиринскиот и  Егејскиот дел на Македонија, а програмата ќе започне и заврши со Вевчански обредни орски и вокални изведби. Со програмата на сцената ќе раководи познатата македонска актерка Снежана Конеска-Руси, а ќе биде прикажан и документарниот филм „70 години организиран фолклор во Вевчани“, во режија на Лидија Мојсоска.   


OhridNews

© 2018 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Култура

ВАШЕТО ВНИМАНИЕ

АНКЕТА

Дали прославата на Водици во Охрид треба да има кум?

Да

Не

Гласај

Да - 290 гласови (38%)

Не - 481 гласови (62%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833