ОГЛАСИ

Ќе се гради Еко музеј во Белчишта

Вести | Охрид | 19.05.2017 15:18Посети : 1463

Во рамките на прекуграничната соработка Македонија–Грција, општина Дебрца како носител на проектот од македонска страна, заедно со партнерите на проектот од Македонија, јавното претпријатие за управување и заштита на повеќе наменско подрачје „Јасен” и Шумарски Факултет–Скопје, и партнерите од Грција, Општина Терми и Институтот за одгледување на растенија и генетски ресурси, обезбеди средства од ЕУ ИПА програмата за реализација на проектот „Подобрување на заштитата на приоритетните растенија во граничната област”.



Пред почетокот на реализација на овој проект, градоначалникот Игор Трајкоски одржа координативен состанок со претставници партнерите од македонска страна, односно претставници од Јавно претпријатие за управување и заштита на повеќе наменско подрачје „Јасен” и Шумарски Факултет – Скопје.


Во рамките на овој проект од страна на општина Дебрца е предвидено да се опфати Белчишкото блато, како единствено и најголемо водно станиште во Република Мекедонија, со што се предвидува сеопфатна анализа на флората и фауната, која е опфатена во самото блато, како и изработка на мобилна апликација за туристи за убавините на блатото, Опфатени се и обуки за десет туристички водичи за белчишкото блато, кои воедно го поттикнуваат локалниот економски развој и претставуваат можност за дополнителни вработувања на територијата на Општина Дебрца. Предвидено е да се изврши и реконструкција на стариот училиштен интернат во селото Белчишта, со пренамена на објектот, во ЕКО Музеј Белчиштако блато “Сини Вирој”, кое целосно ќе биде опремено и ќе бидат изложени убавините на блатото, кои ќе станат подостапни за туристите од регионот.


Во рамките на овој проект обезбедени се вкупно 1.253.259,68 евра, односно за Општина Дебрца обезбедени се 240.621,00 евра, за Јавно претпријатие за управување и заштита на повеќе наменско подрачје ”ЈАСЕН” обезбедени се 138.476,00 евра, за Шумарски Факултет – Скопје обезбедени се 104.843,00 евра, а за партнерите од Грција, обезбедени се, за Општина Терми 298.466,50 евра и за Институтот за одгледување на растенија и генетски ресурси обезбедени се 470.853,18 евра.


Во следните месеци претстои потпишување на договорите за финансирање и почеток на имплементација на одобрениот проект за финансирање кој ќе придонесе со своите активности за подобрување на туристичкиот потенцијал на регионот, подршката на развојот на туризмот и подобрување на конкурентноста на прекуграничниот регион.


OhridNews


© 2017 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Вести

ВАШЕТО ВНИМАНИЕ

АНКЕТА

Дали на делницата на која се гради автопатот Охрид - Кичево има доволно безбедносна сообраќајна сигнализација?

Да

Не

Гласај

Да - 46 гласови (15%)

Не - 261 гласови (85%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833