ОГЛАСИ

Oтворена ликовната колонија „Вевчански видувања“

Култура | Македонија | 25.06.2017 12:40Посети : 1525

Со огномет и кнцерт на познатата хрватска пејачка Тереза Кесовија, вчера вечер во ресторанот „Виа игнација“ беше отворена осмата меѓународна ликовна колонија „Вевчански видувања“



На колонијата година учествуваат триесеттина познати уметници од земјава и светот кои инспирацијата за своите ликовни дела ќе ја црпат од недопрената природа и архаичниот амбиент на Вевчани.


-Јас во своите дела правам спој на современоста и традицијата, а овде во Вевчани баш тоа го има. Сите ги спомнуваат прекрасните извори и убавата природа која ќе не инспирира во наредните десет дена.- изјави ликовниот уметник Божидар Дамјаноски, кој живее и твори во Белград, а на колонијата учествува по прв пат.



Ликовната колонија „Вевчански видувања“ во изминатите години прерасна во респектабилна културна манифестација, чиј квалитет е препознаен во светски рамки, за што несомнено голема заслуга има организаторот и мецена Ѓорѓи Угриноски истакна ликовниот уметник Живко Поповски Цветин, кој шести пат е на колонијата.


-Ликовната уметност што ќе се презентира деновиве од уметници од Македонија, Србија, Албанија, Бугарија, Грција, Русија, Франција, Египет и други, ќе зрачи низ нашите простори, а верувам дека таа ќе се пренесува во светот преку изложбите што се организираат секоја година. - рече ликовниот уметник Живко Поповски Цветин.



Најдобрите дела насликани од учесниците на колонијата, минатата година во април беа изложени во „МЦ Галлерѕ“ во Њујорк, САД, а оваа година изложбата ја посети Москва каде ликовните дела беа изложени во Универзитетот за уметност и дизајн.


Г.М.

© 2018 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Култура

ВАШЕТО ВНИМАНИЕ

АНКЕТА

Дали ќе биде постигнат договор за спорот со името помеѓу Македонија и Грција?

Да

Не

Гласај

Да - 84 гласови (29%)

Не - 208 гласови (71%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833