ОГЛАСИ

Еластичната пајакова мрежа може да помогне за обновување на оштетени нерви!

Занимливости | Свет | 03.08.2017 07:00Посети : 826

Пајаците може да имаат огромна улога во обновувањето на оштетувањата на нервите. Д-р Кристин Ратке, професор и специјалист за пластична и реконструктивна хирургија при медицинскиот универзитет во Виена, Австрија, користела во мали количини силна пајакова мрежа за заздравување на оштетувања на нервите подолги од 5cm. Пајаковата мрежа е многу цврста, но и многу еластична, две особини кои ретко се наоѓаат заедно.



Оперативната техника на д-р Ратке вклучува полнење на вени со пајакова мрежа како водечка структура. Доколку ви недостига дел од нерв, преостанатата структура од нервот ќе мора да го надополни тој дел со растење. Но, за нервот да ја пронајде вистинската насока во која треба да расте, треба да има структура која ќе го води. За жал, повеќето материјали го спречуваат растот на нервите. Пајаковата мрежа е материјал кој нервите го прифаќаат и го следат неговиот патоказ за растење, смета д-р Ратке.

Со испитувања врз животни, овој метод се покажал како ефикасен за обновување на оштетувања на нервите долги дури 6cm. Нервите заздравувале правилно за девет месеци. За овој период пајаковата мрежа се распаднала природно без никакви негативни последици.

Научниците се обидувале да направат вештачка пајакова мрежа во лабораторија, но таа не била ефикасна како вистинската. Нема ни потреба да се прави вештачка пајакова мрежа. Со само 21 пајак во лабораторија, може да се соберат 200 метри пајакова мрежа за 15 минути, без притоа да се повредат пајаците. Неколку стотици метри се потребни за да се направи мост на нервите долг 6cm. Д-р Ратке се надева дека во иднина ќе може да го зголеми бројот на пајаци на 50.

„Го тестиравме овој метод врз животни и знаеме дека функционира, сега само ни треба сертификат за нашата пајакова мрежа, што е веќе во процедура“- додава д-р Ратке.


A.М.


 

© 2017 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Занимливости

ВАШЕТО ВНИМАНИЕ

АНКЕТА

Дали во екот на сезоната во Охрид треба да се одржуваат настани на отворено кои траат до доцна во ноќта?

Да

Не

Треба да постојат исклучоци, според строги правила

Гласај

Да - 1262 гласови (37%)

Не - 848 гласови (25%)

Треба да постојат исклучоци, според строги правила - 1270 гласови (38%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833