ОГЛАСИ

Отворена: Вапилска сага, водата за пиење пресуши!

Отворена | Писма | 14.08.2017 07:00Посети : 3311

Има ли смисла да се живее без вода за пиење на плус 40 степени?


И последната шанса за снабдување на вода за пиење на селата Вапила и Ливоишта пропадна заедно со сушата која трае веќе подолго време. Всушност како и Господ да кренал раце од последните вапилчани кои се обидуваат да го издржат животот што им преостанал затоа што таму нема заврнато дожд речиси половина година. Единствениот артериски бунар во мојата нива кој е длабок околу 50 метри и кој до пред два дена ги снабдуваше колку-толку со вода за пиење селаните од Вапила и Ливоишта е пресушен од долгото топло лето. Нема повеќе вода.


За да биде апсурдот поголем човекот кој, за да се избуши артерискиот бунар во Вапила, преку својата фирма која беше јавна и ја раководеше беше обвинет за донацијата од 1000 евра и одлежа затворска казна. Кутрата држава наша!?


Дали општината Охрид и јавното претпријатие Проаква, Водовод Охрид, кој го стопанисуваат снабдувањето на вода на овие две села ќе преземе некаков чекор или селаните ќе се соочат со најапсурдниот проблем во 21 век, да живеат ако е тоа возможно без вода или да умрат од жед. Без леб се може ама без вода не се може. Ами како ќе се искапат тие намачени луѓе!? А која е смислата да се живее на село ако не се засади малку патлиџан и некоја пиперка? А како тие да се наводнуваат? Немаат иднина вапилчани, немаат иднина ни селата во Македонија. Каква штета!


Има три можности за да се реши проблемот: да се направи брана на Расинтус потамос (Расински поток) или Вапилската река и на тој начин би се решил и проблемот со наводнување на Вапилското поле, да се обнови по нов проект водоводот што доаѓаше од Плаќе а кој беше реализиран пред скоро четириесет години по иницијатива на Никола Матлиески-Пашата во времето кога ЕМО се создаваше во Косел или Вапила и Ливоишта да се напојуваат од Охридското езеро. Мислам дека четврта можност не постои.


Локалните избори ќе се одржат на 15 октомври, 2017 година. Зошто би гласале овие луѓе на тие избори ако избраните на такви избори не презземаат ништо во врска со најосновните човечки потреби и услови за да се преживее. За ветената изградба на пат до 2017 година веќе приказната ја знаеме. Во Вапила нема ни продавница од која селаните ќе купат леб, масло, шеќер и цигари затоа што таа се затвори кога Пере од Вапила си замина во Америка за попристоен живот. Нема ни училиште затоа што нема ни дечиња за да учат школо туку и тие неколку одат на училиште во селото Косел.


Многу луѓе вапилчани го напуштија селото во потрага по попристоен живот во Австралија, Америка, Канада, Австрија, Швајцарија и Германија и таму веројатно ќе го завршат. Само малку беше потребно да се превземе за да не биде така. Ама сега, освен десетте автобуски линии кои ги практикува „Галеб“ сите други услови за живот во преубавото место Вапила заслужуваат „црн бумбар“. Кој е виновен? Сите тие што владеат со оваа држава.


Мирослав Кузман


Ставовите изнесени во рубриката Писма-Колумни се ставови на авторите и редакцијата на OhridNews не сноси одоговорност за содржината на истите


© 2018 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Отворена

ВАШЕТО ВНИМАНИЕ

АНКЕТА

Дали паркирањето во Охрид треба да се модернизира?

Да

Не

Гласај

Да - 1235 гласови (88%)

Не - 161 гласови (12%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833