ОГЛАСИ

Обновено: Пратеникот Василевски не дојде на јавната седница, адвокатот порача дека со него се притворени 60.000 граѓани

Вести | Македонија | 12.01.2018 15:35Посети : 2184

Ние имаме 60 илјади граѓани против одлуката за притвор за Сашо Василевски бидејќи толку граѓани гласале за него, рече адвокатот Александар Новакоски на денешната јавна седница во Апелациониот суд, пренесува „Макфакс“.


„Гарантирам дека Василевски редовно ќе се јавува во судот“, рече адвокатот и додаде дека Судот ја прекршил постапката за одземање на имунитет на Василевски.



„Не сакам да бидам сентиментален, но го познавам човекот 40 години. Ако сакал, Василевски имал 8 месеци и можел да избега. Сашо се врати од Бугарија кога дозна дека е осомничен за терористичко загрозување на уставниот поредок и безбедноста. Пратеникот на 27.04 бил на работното место, тој морал да биде во Собранието“, рече Новакоски, кој додаде дека незаконски бил и претресот во домот на пратеникот.

Како што рече адвокатот, Сашо не е казнет ниту за сообраќаен прекршок и тој не е во можност да го повтори кривичното дело. Тој побара укинување на притворот и даде гаранција дека Василевски редовно ќе се јавува во судот.

Наталија Тасевска од Вишото јавно обвинителство рече дека бара притворот да остане затоа што, како што рече, Василевски може да влијае врз сведоците и да преземе дејствија со кои ќе ја отежне истрагата.

Пратеникот на ВМРО-ДПМНЕ кој се наоѓа во притвор за „крвавиот четврток“ не се појави на јавната седница во Апелациониот суд.


Инаку, Апелациониот суд Скопје, по одржаните јавни и нејавни седници на 10.1.2018 година и 11.1.2018 година донесе одлуки со кои ги одби како неосновани жалбите на обвинетите и ги потврди решенијата на Основниот суд Скопје 1 Скопје донесени во рамки на предметите во врска со настаните во Собранието на Република Македонија на 27 април 2017 година и тоа за обвинетите Оливер Поповски, Горан Ѓошевски, Владо Јовановски, Митко Чавков, Игор Дурловски, Мунир Пепиќ, Душко Лазаров, Митко Пешов, Оливер Раудлов, Богдан Илиевски и Илија Славевски.


OhridNews
Макфакс

© 2018 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Вести

ВАШЕТО ВНИМАНИЕ

АНКЕТА

Дали прославата на Водици во Охрид треба да има кум?

Да

Не

Гласај

Да - 291 гласови (38%)

Не - 481 гласови (62%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833