ОГЛАСИ

„Недела на книгата“ со Мишо Јузмески во КИЦ „Култура 365“

Култура | Охрид | 14.01.2018 10:42Посети : 1311

Придобивките од читањето се многубројни. Читајќи, се опуштаме, стекнуваме нови знаења, ја подобруваме нашата моќ за изразување, го намалуваме стресот, ја стимулираме работата на мозокот. Во таа насока се акциите на „Култура 365“ од Охрид за дарување книги коишто се организираат уште од основањето на овој културно-информативен центар во 2011 година

По втор пат за оваа година, со почеток на 15-ти јануари, „Култура 365“ ќе ја спроведе традиционалната манифестација „Недела на книгата“ при што посетителите овој пат ќе имаат можност да ја добијат како подарок книгата „Македонци, А. ден Долард и други Холанѓани“ од охридскиот автор Мишо Јузмески. Оваа книга е своевидно продолжение на книгата „Нашиот холандски пријател А. ден Долард“ од 2012 година, која во меѓувреме беше објавена на англиски и холандски јазик.



Во „Македонци, А. Ден Долард и други Холанѓани“ Јузмески повторно се осврнува кон ликот и делото на холандскиот писател и новинар А. ден Долард, најголемиот промотор на Македонија во Холандија во подолг временски период, заслужен за веќе традиционалното холандско-македонско пријателство кое најчесто се остварува преку холандските туристи кои ја посетуваат Македонија уште од средината на минатиот век.


Во поговорот кон книгата „Македонци, А. ден Долард и други Холанѓани“, Холанѓанецот Херард Пулвејк пишува:

„Скитникот, новинарот и писателот А. ден Долард своето срце му го имаше подарено на Балканот, пред сѐ на Македонија и посебно на Охрид. Како скитник им се насладуваше на земјата, луѓето, планините, фолклорот. Како новинар беше фасциниран од сложените политички состојби кои македонскиот народ со векови го држеа под власт на околните сили и во своите написи за регионот јасно и остро ја избра страната на експлоатираниот и поробен Македонец. Како писател ги романтизираше односите помеѓу поробувачите и поробените („Ориент Експрес“) и го прикажа развојот на една љубовна приказна во градот Охрид („Свадбата на седумте Цигани“). Мишо Јузмески настапува како фотограф, писател и како туристички амбасадор веќе подолго време, промовирајќи ја својата земја во туѓина, и некаде во деведесеттите години наиде на тој странски писател кој во своето срце ја носеше неговата земја. Благодарение на залагањата на Јузмески, во македонските срца израсна посебен однос со Холандија и Холанѓаните. За таа врска и благодарноста на Македонија кон тој посебен холандски писател станува збор во оваа книга, којашто, се надеваме, ќе си го најде патот до секој оној кој има интерес за оваа земја со нејзината вековна историја и секако уште повеќе до Холанѓаните кои веројатно (повторно) се запознаваат со еден прочуен холандски писател/новинар и голем граѓанин на светот.“

Книгата „Македонци, А. ден Долард и други Холанѓани“ беше објавена и на холандски јазик, во превод и редакција на Пулвејк.

Сите заинтересирани љубители на пишаниот збор, примерок од книгата можат да подигнат во просториите на КИЦ „Култура 365“ на улица „Цар Самоил“ број 34 во Охрид, од 15-ти до 21-ви јануари 2018 година, секој ден од 10 до 15 часот.


OhridNews


© 2018 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Култура

ВАШЕТО ВНИМАНИЕ

АНКЕТА

Дали прославата на Водици во Охрид треба да има кум?

Да

Не

Гласај

Да - 324 гласови (38%)

Не - 536 гласови (62%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833