ОГЛАСИ

Преподобен Антониј Велики

Празници | Празници | 30.01.2018 09:46Посети : 414

Православната црква денеска го одбележува споменот на Преподобен Антониј Велики.

Тој бил Мисирец, роден околу 250 година во некое село Кома близу Хераклеја. По смртта на неговите благородни и богати родители си го поделил наследството со својата малолетна сестра, ја згрижил кај некои роднини, својот дел им го раздадел на сиромасите, а самиот во дваесеттата година од животот се посветил на подвижнички живот, како што тежнеел од детството.

Најпрво се движел во близина на своето село, но за да го избегне онеспокојувањето од луѓето, се оддалечил во пустина, на брегот на Црвеното Море, каде што како затворник поминал дваесет години не дружејќи се со никого освен со Бога преку непрестајна молитва, поднесувајќи ги неискажливо трпеливо демонските искушенија. Неговата слава се пронесе по целиот свет и околу него се собрале многубројни ученици коишто ги поучувал со пример и со слово на патот кон спасението.

За осумдесет и петте години од неговиот подвижнички живот само двапати отишол во Александрија, и тоа првиот пат да бара мачеништво во времето на гонењето на Црквата, а вториот на повик на Св. Атанасиј за да ја собори клеветата на Ариевците дека божем и тој ја прифатил Ариевата ерес. Се упокоил во сто и петтата година од животот, а зад себе оставил цела војска следбеници и ученици.

Иако необразован, им бил советник и учител на најучените луѓе на неговото време, како на Св. Атанасиј Велики. Кога некои елински филозофи го искушувале со книжевна мудрост, Антониј ги засрамил со прашањето: „Што е постаро: разумот или книгата? И кое од тие двете е причина за другото?“ Засрамени филозофите се разотишлеа, зашто виделе оти самите имаат книжевно памтење без разум, наспроти разумот што го имал Антониј. Тој е човек кој го достигна совршенството коешто воопшто може да биде достигнато на земјата. Тој е воспитувач на воспитувачите и учител на учителите; цели осумдесет и пет години се преобразувал себеси, па само така смогнал сила да ги преобразува и другите. Исполнет со многубројни години и добродетели, Свети Антониј се упокоил во 335 година.

На овој ден се одбележуваат уште два празника посветени на Светиот цар Теодосиј Велики и на Светиот маченик Георгиј Нов Јанински.


OhridNews

© 2018 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Празници

ВАШЕТО ВНИМАНИЕ

АНКЕТА

Дали паркирањето во Охрид треба да се модернизира?

Да

Не

Гласај

Да - 1393 гласови (88%)

Не - 188 гласови (12%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833