ОГЛАСИ

Германија, конечно, ќе добие нова влада

Вести | Свет | 07.02.2018 15:39Посети : 536

Христијанската демократска унија на германската канцеларка Ангела Меркел (ЦДУ) и Социјалдемократската партија (СПД) на Мартин Шулц постигнаа договор за коалиција.
Како што соопштија германските медиуми, во Берлин веќе се разговора како ќе бидат распределени министерските места, а се навестува дека социјалдемократите ќе го добијат ресорот за надворешни работи. Партиите ЦДУ, ЦСУ и СПД се согласија за тоа како ќе изгледа коалициониот договор со што е отворен патот кон формирање широка коалиција која ќе биде трета последователна, а четврта во историјата на Германија.



Договорот за коалиција сега мора да биде одобрен од страна на членовите на СПД, околу 450.000, на внатрепартиски референдум, кој според германските медиуми, најверојатно, ќе се одржи за три недели.

„Ројтерс“ објави дека СПД на социјалните мрежи објавила фотографија од лидерот Мартин Шулц и другите членови на делегацијата по крајот на разговорите за коалиција, која е проследена со коментар: „Уморни, но среќни. На крајот имаме договор. Сега ќе се посветиме на конечните детали на текстот“.

Според информациите на британската агенција, на социјалдемократите ќе им припаднат министерствата за финансии, надворешни работи, правда, семејство, животна средина и труд.

Преговорите требаше да бидат завршени во неделата, но тие мораа да бидат продолжени до утрово поради некои спорни прашања. Меѓу нив биле работните договори и здравственото осигурување, а според извештаите од Берлин овие теми засега се делумно решени.

© 2018 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Вести

ВАШЕТО ВНИМАНИЕ

АНКЕТА

Дали ќе биде постигнат договор за спорот со името помеѓу Македонија и Грција?

Да

Не

Гласај

Да - 583 гласови (31%)

Не - 1306 гласови (69%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833