ОГЛАСИ

Мешовитиот парламентарен комитет усвои препораки за Македонија

Вести | Македонија | 09.02.2018 08:54Посети : 363

На вториот работен ден на состанокот на Мешовитиот парламентарен комитет, на кој учествуваат пратениците Горан Милевски, Антонијо Милошоски, Жаклина Лазаревска, Реџеп Мемеди, Бетиан Китев и Ејуп Алими, се дебатираше за меѓуетничките односи, соседството и регионалната соработка, имплементацијата на Охридскиот рамковен договор, новиот закон за употреба на јазиците и за активностите по самитот во Трст, во рамките на Берлинскиот процес, информираат од македонското Собрание.



Беше нагласено дека битни елементи на процесот на проширување на ЕУ се добрососедските односи и регионалната соработка и беа поздравени повеќе регионални иницијативи и процеси кои му даваат дополнителна динамика и импулс на процесот на проширување .

Во однос на меѓуетничките односи во Република Македонија, беше нагласено дека имплементацијата на Рамковниот договор е нераскинливо поврзана со процесот на европската интеграција на земјата. Целосната имплементација на Договорот беше оценета како камен темелник за понатамошно градење на демократско општество со мултиетнички карактер, како рамка за обезбедување на иднината на демократијата во Македонија и овозможување на развојот на поблиски и поинтегрирани односи помеѓу Република Македонија и евроатлантската заедница.

„Берлинскиот процес“, како политички процес, беше опишан како комплементарен на евроинтеграцискиот процес, со цел да обезбеди рамка на меѓусебно помирување на земјите од Западен Балкан по пат на тесна регионална соработка, а во насока на достигнување на економски развој и раст, отворена пазарна економија, односно постигнување на забрзан реформски напредок во интерес на поскора интеграција кон ЕУ.

На крајот на состанокот, пратениците од Собранието на Република Македонија и пратениците на Европскиот парламент со мнозинство гласови усвоија Завршни препораки до институциите на Република Македонија и на Европската Унија.


Мешовитиот парламентарен комитет, nнајостро ги осудува насилните напади од 27 април 2017 во Собранието; нагласува дека одговорноста за овие насилни инциденти треба да се утврди без одлагање, во согласност со законот, на транспарентен, независен и пропорционален начин, со почитување на презумпцијата на невиност; инсистира дека законските постапки не смеат да се користат за политички цели и да попречат на процесот на помирување. Нагласува дека филибастеринг и неучеството во парламентарните активности и секој друг облик на попречување на работата не придонесува кон правилното функционирање на Парламентот и кон помирувањето; позитивно укажува на обидите на Собранието да ги вратат постепено механизмите на заемна контрола на извршната власт, да ги фокусираат своите активности на одамна неопходните реформи, зајакнувајќи ги притоа своите надзорни капацитети; нагласува дека работата на етичкиот кодекс и наДеловникот за работа на Собранието и мора да продолжи; се надева дека дека идниот дијалог Жан Моне ќе придонесе за поголема атмосфера на компромис и подобро функционирање на Парламентот. Во заклучокот се поздравуваат неодамнешните чекори за зајакнување на билатералните односи со соседните земји во рамки на одржување на добрососедски односи.


OhridNews 

© 2018 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Вести

ВАШЕТО ВНИМАНИЕ

АНКЕТА

Дали ќе биде постигнат договор за спорот со името помеѓу Македонија и Грција?

Да

Не

Гласај

Да - 583 гласови (31%)

Не - 1306 гласови (69%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833