ОГЛАСИ

Реми на Охрид и Пролет во „Билјанини Извори“ (видео)

Спорт | Охрид | 15.04.2018 19:58Посети : 411

Со голот на Пеце Георгиевски во последната секунда од мечот составот на Охрид извлече реми на домашен терен 20-20 (10-8) со Пролет во третата рунда од плејофот во Супер лигата. Поделбата на бодовите на крајот беше најреална во СРЦ „Билјанини Извори“, бидејќи двете екипа имаа по едно добро полувреме.



Охриѓани маестрално го отворија мечот. Одбраната и Трајкоски го маѓепсаа голот примијќи само два голови во првите 15-тина минути, додека нападот беше на посакувано ниво за 8-2.

Неочекувано, Охрид после најголемото водство застана, а Пролет постепено гол за гол ја анулираше предноста и дојде до минус еден 8-7. „Гладијаторите“ со добар финиш го издржаа налетот на Пролет и на одмор заминаа со плус 2 (10-8).



На стартот од второто полувреме Охрид стигна до водство од три погодоци (12-9), но гостински ракометари одговорија со 3-0 за второ изедначување (12-12) после почетните 1-1.

Играта гол за гол им годеше на охридските ракометари до 50-та минута, кога „пролетерите“ поведоа прв пат на мечот (17-16). Од тој момент до финишот гостинските ракометари имаа предност, во последниот напад при позитива од еден гол (20-19) не реализираа два удари, а казната стигна на крајот кога Георгиевски погоди за реми 20-20.



Со освоениот бод Охрид ќе го избегне дното од табелата, додека Пролет направи голем чекор напред кон пласманот на местата кои водат во Европа.

Голгетерски во составот на Охрид се истканаа Младеновски и Андоновски кои постигнаа по пет голови, а голманот Трајкоски успеа да одбрани 12 противнички удари. Кај гостите седум погодоци постигна Александар Василевски, а голманот Кимески запиша 14 успешни интервенции.



Во плејофот следува недела дена пауза, но екипите ќе ги завршуваат своите обврски во 1/4 финалето во Купот на Македонија.


Мх.П.

© 2018 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Спорт

ВАШЕТО ВНИМАНИЕ

АНКЕТА

Дали ќе биде постигнат договор за спорот со името помеѓу Македонија и Грција?

Да

Не

Гласај

Да - 192 гласови (31%)

Не - 428 гласови (69%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833