ОГЛАСИ

Фото: Првата титула од КУП разигрувањето во Охрид во рацете на Шкендија

Спорт | Охрид | 15.05.2018 12:51Посети : 610

Тетовските „црвено црни“ го освоија трофејот во Купот во Македонија во кадетската конкуренција победувајќи го битолски Пелистер со 5-3 (3-2). Двете екипи одиграа маестрален натпревар и најавија многу возбудувања во Куп финалињата кои денеска започнаа во Охрид.



Фудбалерите на Шкендија теренската иницијатива на почетокот од натпреварот ја круниса со погодок. Стрелец на водечкиот погодок беше дефанзивецот Елвир Рамиќ. И покрај водството тетовчани напаѓаа, а наградата стигна во 28-та минута кога Аљбин Рамадани зголеми на 2-0. Две минути подоцна Шкендија дојде до 3-0 после погодок на Илбер Карамани. Трите погодоци во мрежата ги разбудија „зелено белите“ кои за само две минути успеаја да намалат на 3-2. Во 42-та минута погоди Аријан Селмани, а во 43-та прецизен беше Филип Бошковски.



Головите и надигрувањето на теренот продолжија и во вторите 45 минути. Шкендија во 55-та минута зголеми на 4-2. Голманот на Пелистер, Петар Шитракоски го скроти ударот од белата точка на Рамадини, но топката се одби кај фудбалерот на Шкендија кој ја спроведе во мрежата. Пет минути подоцна Пелистер повторно дојде на еден гол негатива, откако во погодок ударот од белата точка го претвори Селмани. Во 72-та минута Едиз Спахиу донесе водство за Шкендија 5-3, кое до крајот го задржа и го освои пехарот.



Делегат на првата финалната средба од шестте кои ќе се одиграат на Градскиот стадион „Билјанини Извори“ беше секретарот на Општинскиот фудбалски Сојуз, Јовче Попоски, а главен судија беше Марјан Стојановски од Кичево.



Финалната програма во Охрид продолжува денеска во 17 часот со мечот помеѓу Работнички и Шкендија во младинска конкуренција.


Мх.П.

© 2018 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Спорт

ВАШЕТО ВНИМАНИЕ

АНКЕТА

Дали ќе биде постигнат договор за спорот со името помеѓу Македонија и Грција?

Да

Не

Гласај

Да - 561 гласови (31%)

Не - 1249 гласови (69%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833