ОГЛАСИ

Охрид ги оправда очекувањата на гостите

Вести | Охрид | 03.01.2011 08:00Посети : 3227

Иако ги имаше помалку од минатата година, гостите кои Новата 2011 година ја дочекаа на ривиерата, задоволни си одат од Охрид. Нив ги имаше неколку илјади, во главно од Македонија и од соседните земји. Најмногубројни и оваа Нова година беа туристите од Србија, повеќе организарани групи имаше од Црна Гора, како и од Бугарија.


Охрид ги оправда очекувањата на гостите

Најголемиот дел гостите беа сместени во хотелските капацитети, кои оваа Нова година беа исполнети од 60 до 90 проценти. Повеќето хотели за своите гости имаа организирано свечена новогодишна вечера, а не мал дел од нив славеа во охридските ресторани и клубови, како и на централниот плоштад, каде годинава имаше одлична атмосфера.

- Прв пат сме во Охрид и одлично поминуваме. Воодушевени сме од градот, од луѓето, од се, ни изјави девојка од Инџија, Србија, која Новата година со своето друштво ја дочека на градскиот плоштад.


Позитивни впечатоци заминуваат во Инџија

На плоштадот затекнавме и четворица пријатели од Горни Милановац, Србија, кои во Охрид втор пат слават Нова година.

-Tука бевме за дочекот во 2007 година и сега. Фантастично е. Да не беше добро сигурно нема да дојдевме по втор пат, ни изјавија веселите пријатели од Горни Милановац.


Друштво од Горни Милановац втор пат за Нова година во Охрид

Меѓу илјадниците гости имаше доста млади од Скопје и од другите македонски градови. Според нив дочекот на Новата година во Охрид е посебен.

-Прв пат славиме Нова година на плоштадот во Охрид и одлично се чувствуваме. Организацијата е прекрасна и Охрид треба само да продолжи вака, беше коментарот на друштво млади скопјани.


И на скопјани им се допадна дочекот на Нова година во Охрид

Славењето на Новата година продолжи и соноќа во рестораните, кафетериите и клубовите во Охрид, каде имаше  весела празнична атмосфера.
OhridNews

© 2018 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Вести

ВАШЕТО ВНИМАНИЕ

АНКЕТА

Дали ќе биде постигнат договор за спорот со името помеѓу Македонија и Грција?

Да

Не

Гласај

Да - 527 гласови (31%)

Не - 1161 гласови (69%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833