ОГЛАСИ

Почна судскиот процес за трагедијата на Пливалиште

Вести | Охрид | 03.01.2011 18:30Посети : 2589

Со распит на тројцата обвинети  и сведоци, во Основниот суд во Струга  почна судскиот процес за трагичната смрт на  пријателите Јосиф Докоски, Кире Ѓоргоноски и Јонче Кувенџиски, кои на 11-ти септември загинаа од струен удар на див шанк во комплексот на струшкото пливалиште.

За несреќата обвинети се косопствениците на шанкот, Цвете Вранишкоски, Климе Миладиноски  и Гоце Јонески, кои се товарат за предизвикување тешки дела против општата сигурност на луѓето. Тие изразија големо жалење за трагедијата и упатија сочувство до семејствата на загинатите.

Обвинетите пред судот негираа дека електричната инсталација на шанкот била нестручно изведена, како што се наведува во истрагата и тврдеа дека струјата ја добивале од главното броило на Пливачкиот клуб, кој деловниот простор на плажата го издал на второ лице од кое тие со усмен договор го зеле летниот шанк во подзакуп. Обвинетите, исто така, тврдеа дека ден пред трагедијата поради невреме ги исклучиле осигурувачите од шанкот, кој немал зазамјување, но бил поврзан со метална конструкција со соседниот угостителски објект на плажата „Галеб“. Спротивно на првичната изјава дадена во истрагата, второобвинетиот Миладиноски, пред судот изјави дека тој не бил косопственик на шанкот, туку дека како пријател на двајцата други обвинети кусо време бил ангажиран како обезбедување на објектот.

Пред судот како сведок беше сослушан  Ѓоко Чуркоски –претседател на локалниот пливачки клуб, кој истакна дека не му е познато на кој начин лицата кои стопанисувале со спорниот шанк ја обавувале дејноста, затоа што клубот ја издал плажата на друг угостителски објект со договор во кој немало клаузула за издавање во подзакуп.

Според одбраната на обвинетите, во случајот се уште има многу непознати детали кои во инстерес на вистината треба да се разјаснат, за што според нив истрагата треба да биде проширена и на други лица, за кои постои сомневање дека се поврзани со немилиот настан.

Судскиот процес за трагичната смрт на тројцата угледни граѓани на Струга ќе  продолжи на 08.02 2011 година.

OhridNews

© 2018 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Вести

ВАШЕТО ВНИМАНИЕ

АНКЕТА

Дали паркирањето во Охрид треба да се модернизира?

Да

Не

Гласај

Да - 1394 гласови (88%)

Не - 188 гласови (12%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833