ОГЛАСИ

Патувачката изложба „Дивите билки од мојот крај“ пристигна во Охрид

Вести | Охрид | 21.03.2015 15:10Посети : 1740

Цртежи, хербариуми и фотографии изработени од ученици, планинари и рекреативци се дел од патувачката изожба „Дивите билки од мојот крај“ која беше отворена денеска во Центарот за култура „Григор Прличев“ во Охрид. Организатори на изложбата се еколошкото друштво „Грашница“ од Охрид, Македонското еколошко друштво од Скопје и Еколошкото друштво од Слоештица, Демир Хисар.




-Изложбата има за цел да го запознае месното население со убавините и со богатството на нашите планини. Посетителите на изложбата ќе имаат можност да дознаат повеќе за дивите билки што често се користат, како и за растенијата кои можат да се најдат во пазувите на Илинска-Плакенска Планина, Баба Сач-Лубен и на Шар Планина, вели Борис Стојаноски од Еколошкото друштво „Грашница“.




Изложбата е дел од проектот „Поврзување на луѓето со природата – зајакнување и вмрежување на граѓанските здруженија во Македонија“ кој е развиен во соработка со Плантлајф од Велика Британија и се спроведува со финансиска поддршка од Европската Унија. 




Наталија Меловска од Македонското еколошко друштво од Скопје рече дека целта на проектот е да се зајакнат капацитетите на локалните организации кои соработуваат со волонтери за заштита на природата, особено во областа на зачувување на растителниот свет.




-Македонија изобилува со растителен диверзитет, имаме над 3000 различни видови на растенија што е огромна бројка за така мала површина па затоа решивме на еден ваков начин да го промовираме тоа. Освен промоцијата, во иднина планираме да одиме чекор понатаму и тоа богатство да го заштитиме, да го зачуваме и да остане за идните генерации. Тоа значи дека треба да се работи со најмладите и децата од училишна возраст за да можат децата да се задојат со таа мисла дека сето она што го имаме околу нас треба да го зачуваме, вели Меловска.


Изложбата „Дивите билки од мојот крај“ ќе биде достапна за разгледување до четврток 26-ти март 2015 година.


Е.М

© 2017 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Вести

ВАШЕТО ВНИМАНИЕ

АНКЕТА

Дали е потребно формирање специјална служба - полиција за борба против загадувачите на животната средина?

Да

Не

Надлежните служби треба да почнат да ја вршат својата работа

Гласај

Да - 404 гласови (40%)

Не - 88 гласови (9%)

Надлежните служби треба да почнат да ја вршат својата работа - 529 гласови (52%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833