ОГЛАСИ

Католичките верници денеска го слават Божиќ

Вести | Македонија | 25.12.2015 07:40Посети : 754

Католичките верници денеска го одбележуваат Раѓањето Христово-Божиќ. Традиционално во Македонија, централната прослава по повод празникот се одржа синоќа во Католичката црква „Пресвето Срце Исусово“ во Скопје, каде имаше свечена литургија.


Премиерот Никола Груевски вчера испрати честитка за Божиќ до Киро Стојанов Скопски бискуп и Апостолски егзарх во Република Македонија и сите верници од католичка вероисповед.



„Божиќ е празник на љубовта и радоста, празник на спокојот и милосрдието, празник кој нè потсетува на вистинските божји патишта и нè учи да ги почитуваме високите морални вредности. Божиќ е денот на радоста во душата на секој верник. Во мир и спокој да ја примиме веста која столетија наназад го осветлува планот Божји и неговата промисла да ни ги отвори патиштата по кои треба да чекориме. Бог е со нас, а симбол на таквиот дар е Христовото раѓање.Нека е за многу години денот! Да се радуваме и да ја споделиме љубовта Божја, да постанеме и ние синови Божји. Како што нè учи овој голем празник, да се свртиме кон ближните, кон пријателите, кон нашите соседи, кон нашите сограѓани, кон нашата држава. Да ги обогатиме со својата љубов и добрина, да даруваме чисто, безусловно и со целото свое срце“ се вели во честитката од премиерот.


Честитка по повод католички Божиќ упати и претседателот Ѓорге Иванов.


„Празнувањето на Божиќ секогаш нè навраќа на Светото предание кое започнува со  Витлеемската sвезда,  раѓањето на  Синот Божји кој ја прими човечката природа и стана човек. Чествувајќи го Божиќ ги славиме љубовта, победата над предрасудите и разликите. Божиќната порака за вистината за верата, за човечноста и за хуманоста е глас кој треба да го продолжиме.


Божиќ е празник на семејството, ден кога се молиме за добро здравје, среќа и радост.  Нека Бадниковата вечер и Божиќ внесат топлина во домот, а семејството и ближните нека ги исполнат со добра мисла, добрина и благослов. Овој голем христијански празник нè учи да бидеме солидарни, затоа да споделуваме со оние кои имаат помалку, да им помогнеме на  немоќните и на обесхрабрените, пишува во чењститаката на претседателот.


Заедно со католиците, денеска Божиќ го слават протестантите и Англиканската црква, како и некои православни цркви кои го имаат прифатено Грегоријанскиот календар.


 


OhridNews

© 2018 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Вести

ВАШЕТО ВНИМАНИЕ

АНКЕТА

Дали паркирањето во Охрид треба да се модернизира?

Да

Не

Гласај

Да - 1396 гласови (88%)

Не - 191 гласови (12%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833