ОГЛАСИ

Охридските средношколци ќе учат техники за создавање на филм и фотографија

Вести | Охрид | 25.12.2015 15:05Посети : 666

Вкупно 135 средношколци од сите четири средни училишта од Охрид ќе учат техники за создавање на филм и фотографија во рамки на Меѓународниот филмски фестивал за млади „Џифони“, кој овој викенд ќе се одржува на Институтот за филм во Охрид.


Овој дводневен настан е дел од проектот „Џифони патува“ и има за цел да го прошири културниот производ „Џифони“ низ Македонија со вклучување на голем број на млади вљубеници во филмот.


-Со овој проект започнуваат да се остваруваат нашите заложби за потткнување на креативноста кај учениците од средните училишта и младите охриѓани кои во голем број покажаа интерес за учество на фестивалот, кој вклучува богата филмска и едукативна програма, рече Зоран Вељаноски Летра, претставник на Институтот за филм од Охрид.



Директорката на „Џифони Македонија“, Елена Величковска рече дека форматот на фестивалот е многу посебен и ги вклучува децата не само како публика туку и како активни учесници во процесот на режирање на филмовите.


-Ова е еден голем проект каде што учесниците кои се на возраст од 14 до 18 години ќе гледаат филмови по што ќе следи дикусија за тие филмови, модерирана од страна на експерти од областа и на тој начин младите сами ќе доаѓаат до одговори. Исто така тие ќе учат што е техника на снимање, како се снима, а ќе се запознаат и со интересни аспекти од филмската музика. Во попладневните часови ќе имаат можност да бидат дел од едукативни работилници кои вклучуваат филм, фотографија и филмски жанрови, појасни Величковска.


Во рамки на проектот „Џифони патува“ до сега биле вклучени околу 700 средношколци од Македонија од три возрасни категории. Охрид е последниот град домаќин на овој фестивал, кој во текот на оваа година гостувал и во Прилеп и Битола.


Е.М


 


 


 

© 2018 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Вести

ВАШЕТО ВНИМАНИЕ

АНКЕТА

Дали паркирањето во Охрид треба да се модернизира?

Да

Не

Гласај

Да - 1404 гласови (88%)

Не - 194 гласови (12%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833