ОГЛАСИ

Села: Пратеници ја штитат урбаната мафија во Струга

Вести | Македонија | 26.12.2015 18:11Посети : 1214

Општина Струга остро се спротиставува на донесувањето по скратрена постапка на Предлог законот за дополнување на законот за градежно земјиште кој се однесува на плажите, а со кој се уредува начинот на издавање под концесија на истите и на постоечките концесионери им се дава можност за продолжување на закупот.

Градоначалникот на Струга Зиадин Села на прес конференција вчера, изјави дека со донесувањето на овој закон се штити урбаната мафија и ги обвини пратениците од владејачкото мнозинство и институциите за соработка со мафијата.

-Имајќи предвид што е предвидено внатре во законот треба овој закон да гласи Закон за заштита на урбаната мафија. Повеќе од јасно е дека урбаната мафија има длабоки корени во собранието на РМ затоа што сите тие што се потписници на овој закон и сите тие што гласале за овој закон не заслужуваат да се именуваат како пратеници, туку тие се соработници на урбаната мафија и сега имаме и парламентарна мафија. И не се само тие туку со нив соработуваат и институциите, но од друга страна морам да констатирам дека има и соработници внатре во општината како што се градежните инспектори кои по закон се независни во нивното работење.-изјави Села.

Струшката локална самоуправа претходно најави дека ќе ги урне сите објекти изградени на плажите и истите ќе ги направи слободни, но тоа не се случи бидејќи судот донесе времена мерка и ги спречи дејствата на општината.

-Судовите и повеќе од два месеци не ги потпишуваат решенијата за да се отсранат тие диви објекти од плажата. Еве јавно јас ги повикувам уште денеска да ги потпишат решенијата додека не е донесен законот јас да расчистам со плажите за истите да им се вратат на граѓаните, за да го зачуваме ова богатство кое ни е дадено од природата и да го зачуваме биодиверзитетот на Охридското Езеро.-рече Села.

Тој најави дека законот ќе биде оспорен, а општината за случајот ќе го извести УНЕСКО, како и странските амбасади во земјата.

 

OhridNews
© 2018 Ohridnews.com. Сите права се задржани.
Текстов не смее да се печати или емитува, во целина или во делови, без договор со Ohridnews.com

Вести

ВАШЕТО ВНИМАНИЕ

АНКЕТА

Дали паркирањето во Охрид треба да се модернизира?

Да

Не

Гласај

Да - 1395 гласови (88%)

Не - 188 гласови (12%)

Резултати Гласај

ПОВАЖНИ ТЕЛЕФОНИ

Полиција : 192 Брза помош : 194 Пожарна : 193 Центар за справување со кризи - Охрид : 195 АМСМ : 196 Автобуска станица : 260-339 Аеродром : 252-820 Црвен крст : 261-909 Водовод : 250-122 Комуналец : 263-325 НУ Центар за култура : 261-063 Завод и Музеј : 262-498 Основен суд : 261-868 ЕВН Информации : 0890 12345 ЕВН Дефекти : 0890 88888 Општа болница : 267-267 ФТУ - Охрид : 262-147 Охридско лето : 261-304 Организација на потрошувачи на Охрид : 252-833