Во периодот од 11 до 14 октомври оваа година, СВР Охрид и полициската станица Струга, реализираа успешни акции за приведување на лица кои, со пресуда од неколку Основни судови биле осудени на затворска казна. Од Струга и неколку струшки села, приведени се четири лица кои го избегнувале издржувањето казна затвор а за дел од нив, била распишаниа централна потерница.

На 11 октомври, во струшкото село Корошишта приведен е 43-годишно лице кое со бегство се обидело да ја избегне затворската казна од десет месеци изречена од Основниот суд Охрид за сторено казнено дело „силување“. Тој е префрлен во Казнено поправната установа -затвор Струга.

На 13 октомври, од Струга приведен е 47 маж од струшкото село Радолишта. Тој бил во бегство а бил осуден од Основен суд Охрид на две години затворска казна за казнено дело „измама“, како и на затворска казна од една година изречена од Основен суд Гостивар за казнено дело „спречување на овластено службено лице во вршење службено дејствие“. Приведениот е префрлен во Казнено поправната установа-затвор „Идризово“.

Истиот ден, во струшкото село Ливада, приведен е 30-годишно лице од селото Корошишта кое за сторено казнено дело „неовластено изработување, држење посредување и тргување со оружје, распрскувачки материи “, од Основниот суд во Струга, најнапред бил осуден на три годишна затворска казна а потоа со решение на истиот суд, била намалена на 10 месеци и 24 дена. Тој е префрлен на издржување на казната во Казнено поправната установа-затвор „Струга“.

На 14 октомври, по распишана централна потерница од Основниот суд Скопје 1, во струшкото село Франгово, приведено 32-годишно лице од истото село во врска со сторено казнено дело „трговија со луѓе“. Лицето е предадено на овластени службени лица во Основниот суд Скопје 1 за натамошна постапка, информира СВР Охрид.

OhridNews