Согласно одлуката на Регулаторната комисија за енергетика, од ноќеска на полоќ, цените на ЕУРОСУПЕР БС-98 и на ЕУРОДИЗЕЛ (Д-Е V) остануваат исти, додека цената на ЕУРОСУПЕР БС-95 се намалува за половина денар.

Еден литар ЕУРОСУПЕР БС-95 ќе изнесува 67,5 денари. Малопродажните цени на ЕУРОСУПЕР БС-98 и на ЕУРОДИЗЕЛ (Д-Е V) не се менуваат. Еден литар од ЕУРОСУПЕР БС-98 чини 70 денари, додека еден литар дизел – 62 денари.

Малопродажната цена на Екстра лесното масло за домаќинство (ЕЛ-1) се намалува за еден денар на 50,5 денари за литар.

Малопродажната цена на мазутот М-1 НС се намалува за 0,085 денари за килограм на 33,694 денари.

OhridNews