Претставата „Кабаре Мистериозо“ на охридскиот Народен театар, која премиерно беше изведена на годинешното “Охридско лето”, љубителите на театарската уметност повторно ќе можат да ја проследат денес, во центарот за култура “Григор Прличев”.

“Кабаре Мистериозо” е правена според текст на италјанскиот сатиричар, драматург, актер и режисер, Дарио Фо, а е во режија на Дамјан Дамјановски.

Во претставата, која која е збир на сцени и теми од религијата и Евангелието, настапува комплетната охридска актерска екипа: Горан Стојаноски, Јасмина Билаловиќ, Стрезо Стаматовски, Билјана Билаловиќ, Никола Тодоровски, Адријана Билаловиќ, како и Ивица Чонев и Златко Митрески.

Почеток на претставата е во 20 часот. Цена на билетот 100 денари.

OhridNews