Полициската станица во Струга поднесе кривична пријава против 41- годишен стружанец за сторено кривично дело „незаконит риболов“. На 18.11.2011 година, во населбата Езерски Лозја, при извршена контрола во патничко моторно возило „опел аскона“ управувано од пријавениот пронајдени се 7,6 килограми свежа риба, пет мрежи и други предмети, кои пријавениот ги уловил од Охридското езеро во период кога има забрана за лов на риба.
ПС Струга поднесе кривична пријава и уште еден стружанец, за сторени кривични дела „узурпација на недвижности“ и „бесправно градење“. Во текот на 2011 година, на ул. „Кеј Борис Кидрич“ во Струга, пријавениот изградил угостителски објект со габарити поголеми од дозволената маркица, а исто така зафатил и јавна површина-тротоар пред објектот на кој поставил урбана опрема (маси и столици) и вршел угостителска дејност, без да поседува одобрение за истото.
OhridNews
