Во текот на месец октомври биле издадени 40,3 % повеќе одобренија за градба,  во однос на истиот месец лани. Според Државниот завод за статистика, надлежните служби изготвиле 268 одобренија за градба, а вредноста на објектите кои треба да бидат  изградени изнесува 2.431.599 илјади денари.

Од вкупниот број издадени одобренија за градење, 208 биле наменети за објекти од високоградба, 16 за објекти од нискоградба и 44 за објекти за реконструкција.

Од вкупно 268-те објекти, кај 205 како инвеститори се јавуваат физички лица, а кај останатите деловни субјекти.

OhridNews