Помала група поранешни вработени во АД Виор Ростфрај, поранешно „Братство“, денеска  протестираа  пред Основниот суд во Охрид незадоволни од како што рекоа  „бавната реализација на  стечајна постапка.“

Работниците ја обвинуваат стечајната управничка Драгица Алачова дека го одолговлекува стечајот на фабриката. Тие побараа Основниот суд – Охрид да ги согледа пропустите во стечајната постапка што започна на први јануари 2005 година и која сеуште не завршена. Работниците бараат судот да иницира Собрание на доверителите на кое би се одлучило дали фабриката ќе се реорганизира и ќе продолжи да работи или ќе се ликвидира.


Работниците се пожалија дека четири години не им се уплаќаат придонеси и дека повеќе од 15 месеци не зеле плата. Производството во АД Виор Ростфрај под стечај сега се одвива со дваесетина работници. Некогашно „Братство“ вработуваше 500 работници и голем дел од производството беше наменето за пазарот на тогашна Југославија.