Премиерот Никола Груевски и претседателот на Собранието, Трајко Вељановски испратија честитки до Влашката заедница по повод Националниот ден на Власите. “Овој датум уште од далечната 1905 година од кога на Власите им биле доделени национални права во Отоманското Царство, е симбол на влашката етничка заедница и секогаш претставувал убава можност да ги одбележиме спецификите и вредности на вашата заедница во Република Македонија. Како најсилен бележник на легитимно изборените права и потврда на влашкиот идентитет, културата, традицијата и историја, овој ден претставува богатство за мултиетничкиот и мултикултурен карактер по кој е препознатлива Република Македонија“, се вели во честитката од премиерот.
Преседателот на Собранието во своето обраќање пишува “ Иднината на нашите сограѓани Власи ја гледам од една страна во натамошно јакнење и развивање на својот национален и културен идентитет, а во истовреме ја гледам и како што ја гледам иднината на сите нас и на Република Македонија, а тоа е во заедничкото остварување на нашата стратешка определба за полноправно членство во ЕУ и НАТО“.
Честитки во влашката заедница испратија и политичките партии.
OhridNews
