Против 21-годишно лице од струшкото село Радолишта, поднесена е кривична пријава поради постоење основи на сомнение за сторено кривично „изнуда“. На 5-ти февруари пријавениот околу 00.30 часот на улицата „Пабло Неруда“ во Струга, пред ноќен клуб, додека пријавителот заедно со негов другар заминувале од клубот, движејќи се по улицата со своето возило, при разминување го допрел ретровизорот на друго паркирано возило.
Тој застанал со цел да види дали има направено штета, по што од страна на возачот на другото возило му било кажано дека нема проблем и дека нема никаква штета. Во тој момент од друго возило излегол пријавениот и се упатил кон него и без никаква причина почнал да му упатува закани и да му бара 1000 денари за штета на другото возило, а во случај ако не му исплати дека ќе има проблем со него. Во еден момент од под јакната извадил метална шипка, со која се заканил дека ќе го нападне ако веднаш не исплати.
Оштетениот му дал 1000 денари на пријавениот, кој се вратил во возилото и се упатил во непознат правец.
OhridNews
