Третото издание на настанот „На Бована Сараиште“ деновиве успешно беше заокружено со донации на две одделенија во Општата болница Охрид. Дел од средствата беа донирани и на нашиот сограѓанин Ивица Попоски кому итно му е потребна помош за лекување на тешка бубрежна болест.
За детското одделение во ЈЗУ Општа болница – Охрид обезбедивме грејни тела, чаршафи, штитници за душеци и ќебиња, со што директно се подобрува удобноста и грижата за најмалите пациенти. На офталмолошко одделение во ЈЗУ Општа болница – Охрид дониравме опрема неопходна за квалитетни очни прегледи и подобрени услови за работа на персоналот. Дел од средствата беа уплатени на сметка нашиот сограѓанин Ивица Попоски, со желба за побрзо закрепнување и поддршка во неговата борба, информираа организаторите.
Организаторите упатија благодарност до спонзорите, волонтерите и сите присутни кои придонесоа овој настан да биде не само забавен, туку и значаен.
Средствата собрани од хуманитарниот настан „На Бована Сараиште“ донирани на Ивица и две одделенија во охридската болница
OhridNews
