Во пресрет на новогодишните празници, инспекциските служби на Агенцијата за храна и ветеринарство, покрај редовните, почнаа со спроведување на вонредни, засилени контроли на специјализираните продавници за храна од животинско потекло ( месарници, рибарници, и сл. ) и во угостителски објекти (хотели, ресторани).

Како што потенцираат од агенцијата, контролите се спроведуваат на целата територија на државата и со нив ќе бидат опфатени и туристичките места Охрид,Маврово, Попова Шапка, Струга, Берово и Дојран.

– Како одговорна институција за безбедноста на храната ги охрабруваме граѓаните секоја недоследност во поглед на безбедноста на храната да ја пријават на бесплатната телефонска линија за потрошувачите на Агенцијата за храна и ветеринарство 0800 3 22 22, но и лично, или на електронската пошта [email protected],нагласуваат од агенцијата.

Целта на контролите е елиминирање на можноста на пазарот да се пласира небезбедна храна, спречување на евентуални труења и инфекции и заштита на здравјето на граѓаните и правата на потрошувачите.

OhridNews