Амбасадорот на Европската Унија во земјава, Михалис Рокас, оствари посета на РЦСОО „Ванчо Питошески“ во Охрид, при што изврши увид во реализацијата на проектот за реконструкција и модернизација на училиштето.
Посетата, како што информираат од училиштето, била насочена кон следење на напредокот во проектот кој опфаќа реконструкција, набавка на материјали и опремување на Центарот и кабинетите за практична настава, согласно современи стандарди за работа.
Имавме чест да слушнеме позитивни коментари, пофалби, како за работата на Центарот така и за приготвеното од страна на нашите ученици и колеги, велат од училиштето.
OhridNews
