На 04.10.2026 околу 10:55 часот во СВР Охрид е пријавено дека на ул.„Јане Сандански“ во Охрид, патничко возило „пежо“ со охридски регистарски ознаки управувано од 52-годишно лице од Охрид, удрило во 79-годишната жена од Скопје.
Во несреќата со тешки телесни повреди се здобила жена, констатирани во Специјалната болница „Свети Еразмо“ во Охрид. Извршен е увид од увидна екипа на СВР Охрид, при што е констатирано дека Б.Х. го управувал возилото иако имал изречена активна забрана за управување. По целосно документирање на настанот, ќе следува соодветен поднесок.
На 04.10.2026 во 14:35 часот во СВР Охрид е пријавено дека во 02:45 часот на регионалниот пат Охрид-Струга, во близина на Струга, 26-годишно лице од Охрид бил физички нападнат од три лица кои употребиле дрвени палки.
Тој бил пренесен во болницата „Св. Еразмо“ каде му биле констатирани телесни повреди. Се преземаат мерки за расчистување и документирање на настанот, по што против напаѓачите ќе биде поднесена соодветна пријава.
На 04.10.2026 во 14:20 часот во ОВР Струга е пријавено дека на улицата „Пролетерски бригади“ во Струга, лице од струшкото село Радолишта физички нападнал 33-годишно лице од истото село.
Тој бил пренесен во Општата болница во Струга каде му биле констатирани телесни повреди. Се преземаат мерки за расчистување и документирање на настанот, по што против напаѓачот ќе биде поднесена соодветна пријава.
На 04.10.2026 во 20:20 часот во ОВР Струга е пријавено дека по кратка расправија пред угостителски објект во струшкото село Лабуништа, лице физички нападнал друго, 36-годишно лице од истото село, по што настанала меѓусебна пресметка.
По целосно документирање на настанот, ќе биде поднесена соодветна пријава, додаваат од СВР Охрид.
OhridNews
