Ученичката Кети Јоноска од ОЕМУЦ „Св. Наум Охридски“ освои бронзен медал на натпреварот во роботика, вештачка интелигенција и електроника за учениците во средните училишта од Македонија – ROBOMAC Junior 2026 кој се одржа во организација на ФЕИТ и студентскиот огранок на IEEE. Медалот, Јоноска, го освои во категоријата автономна мобилна роботика.
На натпреварот учествуваа 54 учесници од четврта година од над 30 средни училишта од Македонија, кои се натпреваруваа во две категории.
Освен натпреварувачките активности, како што информираат од ФЕИТ биле одржани и предавања на популарни теми од роботиката, вештачката интелигенција и електрониката: „Мобилна електроника“ од проф. д-р Катерина Ралева и проф. д-р Томислав Карталов; „Роботиката и вештачката интелигенција“ од доц. д-р Горјан Наџински и „Реализација на миоелектрична роботска протеза за рака“ од м-р Благој Христов.
Настанот, како што посочуваат, поминал во одлична атмосфера на дружење и натпреварување, а учесниците заминале побогати со нови знаења, интереси и пријателства.
OhridNews
