Книжевен разговор за Тоде Илиевски и промоција на психолошката игра со карти „Добро прашање“

Утре, 27 март, во Културниот центар „Култ“ во охридската чаршија ќе се одржат два последователни културни настани.

За 17 часот е предвиден разговор посветен на охридскиот поет, писател за деца и за млади и енигматичар Тоде Илиевски, во рамките на читачкиот клуб „Одрадек“. Во разговорот ќе учествуваат: Никола Гелевски, Ѓоко Здравески, Марина Шокева и Смиле Наумоски Брсјак.

Во 19 часот, пак, ќе се одржи промоција на психолошката игра со карти „Добро прашање“. Низ игра, картите ќе ги промовираат Марија Христовска, Каи Гладкова, Никола Гелевски, Ѓоко Здравески, а ќе може да се вклучат и љубопитните од публиката. На настанот, покрај играта, ќе бидат достапни за купување и актуелните изданија на издавачката куќа Темплум.

OhridNews