Поранешниот најдобар светски тенисер Новак Ѓоковиѓ имаше неуспешно враќање по повредата на лактот, откако синоќа на турнирот во Индијан Велс загуби од 109-то рангираниот на АТП листата Таро Даниел (Јапонија) со 2-1 во сетови.
Јапонецот го доби првиот сет на тај-брејк со 7:6, Ѓоковиќ изедначи по подобра игра во вториот сет (6:4), а во решавачкиот трет сет беше 6:1 за Даниел.
– Како прв пат да играм на АТП турнир. Многу чудно. Се вратив по повредата, но не се чувствувам добро. Можеби избрзав со враќањето на натпреварите. Ми недостасуваат мечеви, но морам да се консултирам со мојот тим и да направиме добра стратегија. – истакна Ѓоковиќ оставајќи простор за нова пауза.
Тој во изминатите осум-девет месеци одигра само еден турнир па така поразот од Даниел на престижниот турнир во САД и не претставува многу големо изненадување.
OhridNews
