Охрид за продолжениот празничен викенд по повод големиот христијански празник Велигден е исполнет со гости. Најбројни се домашните туристи, како и гостите од регионот кои Велигден ќе го дочекаат во Балканскиот Ерусалим.
Во центарот на градот е раздвижено, а духовните храмови на Македонската православна црква – Охридска архиепископија се исполнети со посетители.
Според најавите од хотелиерите долж Охридската ривиера поголема исполнетост има на помалите хотелски капацитети, за разлика од поголемите, како и голема исполнетост на приватните сместувачки капацитети.
Во пресрет на најголемиот христијански празник – Велигден, во сите поголеми цркви во Охрид и околината се одржуваат богослужби. Централната велигденска богослужба ќе започне вечерва во 23:30 часот во храмот „Свети Пантелејмон“ на Плаошник, со која ќе чиноначалствува митрополитот Дебарско-кичевски г.г. Георгиј.
OhridNews
