Општина Охрид започнува ново поглавје на соработка и поврзување. Во оваа насока е потпишан Меморандумот за пријателство и соработка помеѓу Општина Охрид и белградската општина Стари Град – историското и културното срце на Белград.
Ова претставува вовед во официјалното збратимување на нашите општини и отвора врати за размена на искуства во локалната самоуправа, културна соработка и промоција на заедничките вредности, проекти во образованието за нашите млади, развој на туризмот и поголема регионална поврзаност, вели градоначалникот Кирил Пецаков.
Верувам дека оваа соработка ќе донесе конкретни придобивки за нашите граѓани и ќе послужи како пример дека заедничкиот напредок се гради преку силна меѓународна поддршка, потенцира Пецаков.
OhridNews
