Отсекот за превенција при СВР Охрид отпочна со реализација на проектот „Мојот пријател полицаец“
31.01.26 11:54
Отсекот за превенција при СВР Охрид отпочна со реализација на проектот „Мојот пријател полицаец“.
Полициски службеници од СВР Охрид, ги посетија децата од предшколска возраст во детската градинка „Јасна Ристеска“ во Охрид каде низ типизирана проактивна комуникација на најмладите им беше објаснета улогата и значењето на полицаецот во општеството, што е безбедност и каква е полициската работа, зошто треба да се почитуваат сообраќајните знаци и им беше извршена презентација, прилагодена на нивната возраст, на дел од полициската опрема што се користи при извршувањето на полициските задачи, велат од СВР Охрид.
Целта на овој проект е приближување на полицијата до децата како најмлада категорија граѓани, развивање на чувство на припадност и прифаќање на полицијата како нивен пријател но и градење на нивната безбедносна култура, потенцираат.
Проектот „Мојот пријател полицаец“, додаваат, ќе се реализира и во останатите детски градинки на подрачјето на СВР Охрид.
ЈП Водовод – Охрид ги известува корисниците дека поради зголемени вредности на матност, настанати како последица на дефект на водоводната линија, се забранува употребата на водата за пиење во и око...
Мустафоски е најдобар фотомодел и четврти придружник, а тетовчанката Катарина Јовановска е трета придружничка на светскиот избор што се одржа во Тбилиси, Грузија Во женска конкуренција, Македонија ...
Одделот за внатрешна контрола, криминалистички истраги и професионални стандарди при Министерството за внатрешни работи, до ОЈО ГОКК- Специјализирано одделение за гонење на кривични дела сторени од...