Одборот за доделување на државната награда „Св. Климент Охридски” распиша Конкурс за доделување на државната награда „Св, Климент Охридски” за 2012 година.
Со оваа награда се оддава највисоко признание за долгогодишни остварувања во областа на воспитанието, образованието, културата, уметноста, здравството, спортот, заштитата и унапредувањето на човековата околина и во социјалната дејност. Наградата се доделува на поединци, група творци, екипи, установи, трговски друштва и здруженија на граѓани од земјата. Под условите определени со конкурсот, државната награда може да се додели и на странски државјани, група творци, екипи и институции од странство.
Паричниот износ на државната награда „Св.Климент Охридски” изнесува десет просечни месечни плати во Македонија исплатени во последните три месеци во тековната година. Ова државно признание , по правило, се доделува секоја година, а во една година може да се доделат најмногу до пет награди. Иницијатива за доделување на државната награда „Св.Климент Охридски” може да поднесат: установи, трговски друштва, здруженија на граѓани и граѓани.
Конкурсот трае од 1 до 30 јуни 2012 година.
