Денеска во непосредна близина на влезот од Долни Сарај ќе биде откриена спомен-плоча на куќата каде што е роден д-р Анастас Коцарев.
Спомен-плочата заеднички ќе ја откријат Соња Коцарева Трпезаноска, внука на Коцарев и градоначалникот Кирил Пецаков.
По настанот ќе следи посета на музејот „Куќата на Робевци“, каде што во посебна витрина ќе биде поставен орденот на д-р Анастас Коцарев, информираат од Општина Охрид.
Инаку, вчера претседателката Гордана Сиљановска – Давкова постхумно го одликува д-р Анастас Коцарев со Орденот „Илинден 1903“ за неговиот исклучителен придонес во медицината и борбата за независна Македонија.
OhridNews
