Младински Центар Охрид на 16 мај ќе го организира настанот „Chill & Connect“ – музика, дружба и волонтерски можности, кој ќе се одржи на плоштад Христо Узунов во Охрид, во периодот од 11:00 до 15:00 часот.
Настанот претставува трето издание на Саемот за волонтерски можности, овојпат во поинаков и поопуштен формат, со цел младите и граѓаните да се запознаат со организациите, фестивалите и иницијативите кои нудат можности за волонтирање и вклучување во летните активности во Охрид, велат организаторирте.
На настанот ќе учествуваат Ohrid Ultra Trail, Културолошка Иницијатива 5 до 12, Младински Центар Охрид, Црвен Крст – Охрид, SUP Club Ohrid, Beach Film Festival, Lychnid Coffee Society, Планинарски клуб VertiTrail, Академија Сјај и Ohrid Cocktail Festival.
Во рамки на настанот ќе бидат поставени штандови од организациите и фестивалите, ќе има интерактивни игри и активности, како и можност посетителите директно да се пријават за волонтирање, посочуваат од Младински Центар Охрид.
За музичкиот дел, додаваат, ќе се погрижат DJ Leo & DJ Dostin во соработка со Lychnid Coffee Society, додека Pako House ќе обезбеди кафе, палачинки и освежување со специјален попуст за посетителите.
Организаторите ги покануваат сите млади, средношколци, студенти и граѓани да присуствуваат, да се информираат и да го пронајдат своето место во летните случувања во Охрид.
OhridNews
