Денеска и утре во Марибор, Словенија се одржува Меѓународната конференција COBISS 2026. Во македонската делегација предводена од директорот на НУ Универзитетска библиотека „Св. Климент Охридски“ Јовица Никчевски е и директорката на НУ Библиотека „Григор Прличев“ Христина Трпеска.

Учесниците активно ќе ги следат неколкуте теми сврзани со новите предизвици и развојот и идната примена во библиотеките на COBISS.

Првата тема беше „Електронските материјали – важна алка во синџирот на знаењето“, а ќе следат: „Новини во софтверот на COBISS“, „Библиотеките во времето на ВИ и поддршка на науката“ и „Поглед кон иднината“.

Конференцијата на која присуствуваат претставници на библиотеки од земјите од поранешна Југославија има и предавачи и учесници надвор од регионот. Истата се одвива во хибриден формат (со физичко присуство и онлајн).

OhridNews