Денес во Охрид беше одржана третата седница на Управниот одбор на Заедницата на единиците на локалната самоуправа (ЗЕЛС) каде домаќин беше градоначалникот Кирил Пецаков.
Оваа пракса, според претседателот на ЗЕЛС, Орце Ѓорѓиевски, ќе продолжи и во иднина, со цел седниците да се одржуваат низ општините во Македонија, поблиску до граѓаните и локалните предизвици.
На седницата беа донесени значајни одлуки, а особено охрабрувачки е фактот што, според завршната сметка, ЗЕЛС е во позитива и бележи поуспешна година од претходната, благодарение на зголемената наплата на членарината. Посветено работиме и ќе продолжиме да работиме на унапредување на локалната самоуправа како еден од клучните двигатели на развојот на Македонија. Со силна поддршка од Владата и со заеднички напори, уверен сум дека ќе изградиме стабилни и ефикасни општини, со кои сите ќе се гордееме, истакна Ѓорѓиевски.
Посочува дека односот што оваа Влада го гради кон општините и ЗЕЛС влева нова надеж дека конечно ќе се направи исчекор напред кон имплементација на посакуваните европски стандарди.
OhridNews
