Волонтерите од Програмата за грижа за стари лица „Најди време“ при Црвен крст Охрид, која е насочена кон унапредување и зголемување на грижата за повозрасните лица, ја посетија просторијата на Центарот за дневен престој со активно стареење во Охрид, кој е во завршна фаза пред отпочнување со работа.
Од Црвен крст Охрид посочуваат дека како едни од иницијаторите за отворање на ваков центар на територијата на Општина Охрид го следат неговото реализирање.
Веруваме дека центарот ќе стане значајно место за социјализација, поддршка и активно учество на старите лица во секојдневниот живот на заедницата. Остануваме посветени на нашата мисија – да обезбедиме повеќе грижа, внимание и достоинствено стареење за сите, додаваат.
OhridNews
