Oпштина Охрид објави Јавен оглас за добивање на дозволи за вршење на дополнителен сезонски превоз на патници. Предмет на овој оглас е доделување на дозволи за вршење на дополнителен сезонски превоз на патници во летниот период за 20 пакет линии со утврдено време и место на поаѓање за период од 01.07.2023 до 31.08.2023 година за релациите Охрид-Славија (Св. Стефан) -Охрид; Охрид-Лагадин-Охрид и Охрид-Градиште-Охрид.
Еден превозник може да учествува односно да аплицира само на еден пакет линија, а превозниците кои аплицираат на јавниот повик мора да поседуваат лиценца за вршење на општински линиски превоз. Почетниот износ на понуден надоместок за користење на автобуски стојалишта согласно наведената Одлука на Совет не треба да биде понизок од 3.000,оо денари. Со сите превозници добитници на пакет линија по завршување на огласот ќе биде склучен договор и ќе им биде доделена дозвола за вршење на дополнителен сезонски превоз за период од 1 јули до 31 август 2023 година, се наведува меѓудругото во повикот.
Заинтересираните превозници своите понуди треба да ги достават најдоцна до 28 јуни 2023 година до 12:00 часот на следната адреса: Општина Охрид-Комисија за спроведување на оглас 01/2023-сезонски превоз, ул. Димитар Влахов бр.57 Охрид. Отворањето на понудите ќе се изврши јавно на ден 28 јуни 2023 година во 12:15 часот.
Повеќе детали за огласот на линкот.
OhridNews
