14 јуни насекаде во светот се одбележува како Светски ден на крводарителството.
На овој ден Црвен крст Охрид искажува искрена благодарност, признание и почит на сите оние хумани луѓе, крводарители кои несебично и без резерва ја покажале својата хуманост дарувајќи крв, но и до екипите на Трансфузиолошката служба, вработените и волонтерите на Црвен крст Охрид и сите оние поединци, фирми, институции кои вложија труд, креативност и средства за поддршка и помош во реализација на крводарителските акции.
Сите овие чинители ги поврзува една иста, многу значајна благородна и хумана работа-сите тие со својот ангажман придонеле да се спасат човечки животи. Во оваа прилика ја најавуваме нашата следна крводарителска акција која ќе се реализира на 21 јуни во ОСУ „Св.Климент Охридски“- гимназија, од 9-14 ч., која ќе има за цел да ги задоволи потребите за крв и крвни продукти на пациентите во здравствените установи во Охрид, велат од Црвен крст Охрид.
Од организацијата додаваат дека продолжуваат со хуманата мисија со апел граѓаните да останат хумани, да даруваат крв, бидејќи за живот се работи.
OhridNews
