По 18 000 денари месечно ќе добиваат сите деца без родители, кои ќе се запишат на некоја од високо образованите институции во земјава – ова го изјави Министерот за финансии Зоран Ставрески, при вчерашното предавање на донацијата од УЈП за Домот „11 Октовмри“ во Скопје.

Според ресорниот министер, донесени се одлуки со кои ќе им се помага на децата израснати без родителска грижа. „Владата донесе и одлука, со која ќе им овозможи на оваа загрозена категорија граѓани да можат да студираат.  По завршување на образованието, на овие деца ќе им се доделат станови.“ – изјави Ставрески.

Инаку во своето обраќање пред штитениците на Домот „11 Октомври“, министерот најави дека идната година планирано е да се изградат 64 станови наменети за децата без родители.

OhridNews