Со свеченост што се одржува во касарната „Илинден“ во Скопје, сАрмијата на Република Македонија – АРМ, денеска, го одбележува јубилејот 20 години од постоење.
На свеченоста присуствуваат: Претседателот на Република Македонија и Врховен командант Ѓорге Иванов, Претседателот на Собранието на Република Македонија Трајко Вељаноски, Претседателот на Владата на Република Македонија Никола Груевски, Министерот за одбрана Фатмир Бесими, Началникот на Генералштабот на АРМ генерал-мајор Горанчо Котески, министри во Владата на Република Македонија, пратеници во Собранието на Република Македонија, поранешни министри за одбрана и началници на ГШ на АРМ, активните и пензионираните генерали на АРМ, високи претставници на Министерството за одбрана и Генералштабот на АРМ, високи гости од повеќе институции во Република Македонија, амбасадорите, воените аташеа, високи воени претставници акредитирани во Република Македонија и други високи гости.
На централната свеченост во касарната ,,Илинден“ по повод јубилејот „20 години АРМ“ и Денот на АРМ, ќе се изведе парада на која ќе учествуваат ешелони од сите единици на АРМ, борбените средства, техниката и воздухопловите кои се во формацискиот состав на АРМ. На парадата, покрај единиците на АРМ ќе учествува и ешелон од Вооружените сили на САД.
По повод Денот на АРМ и 69 годишнината од формирањето на батаљонот,,Мирче Ацев“, Општинската организација на Сојузот на борци од НОАВМ 1941-1945 и на граѓаните продолжувачи во општините Охрид и Дебарца, денеска во седиштето здружението организира пригодна свеченост.
OhridNews
